Íslenskar hetjur af kotungakyni?

Hvar eru nú allir þeir sem hafa mótmælt kvótakerfinu hástöfum og eiga smábáta? Af hverju í ósköpunum fara þeir ekki allir á sjó eins og Ási og veiða til þess að sjá hvað þá verður gert? Mótmæli eins manns hafa nú ekki mikið að segja og auðvelt að bregðast við þeim. Það er aumingjaskapur af þeim sem eru honum sammála og eiga báta að taka ekki til sinna ráða líka núna þegar þetta góða tækifæri gefst, alveg burtséð frá því hvort gaurinn hefur einhvern tíma selt frá sér kvóta eða ekki. Ef einhvern tíma var rétt að drífa upp meiri og öflugri borgaraleg mótmæli andstæðinga kvótakerfisins er það núna.

500 smábátar á sjó samtímis? Það yrði gaman að sjá viðbrögðin við því.

Ásmundur seldi kvótann fyrir 17 árum

Athugasemdir

[Dunni, 8.8.2008 kl. 18:37]

Frjálslyndi flokkurinn átti að láta málið til sin taka strax á fyrsta degi þings eftir síðustu Alþingiskosningar. Þá var Samfylkingin neydd til að hlusta og framkvæma hugmyndirnar sem hún setti fram í kvótamálunum fyrir kosningar. Rannveig og Ásta Ragnheiður svöruðu spurningu minnu um kvótakerfið á framboðsfundi í Ósló að flokkurinn vildi breytingar á kvótakerfinu þannig að stóllinn væri ekki settur fyrir dyrnar þegar áhugasamir sjómenn vildu hefja eigin útgerð. 

Tíminnhefur leitt í ljós að þær lugu að okkur.  Flokkurinn er einn af varðhundum kvótakerfisins.

Hvað varðar Ása þá efast ég um að hann hafi aðra en sjálfan sig í huga þegar hann vill endurheimta kvótan sem han seldi, með bros á vör, árið 1991. 

[Eva Benjamínsdóttir, 8.8.2008 kl. 21:33]

Mér finnst þetta frábært framtak hjá Ása og ég get rétt ímyndað mér samstöðuna sem málefnið hefði fengið ef 500 karlar hefðu kjark til að taka þátt. Bara skil ekkert í þeim.