Enn ruglað með sumartímann

Á Íslandi er eilífur sumartími. Þess vegna er það ótrúlegt rugl að halda því fram í 7-fréttum RUV að Ísland sé eina landið í Evrópu sem ekki skiptir yfir í sumartíma. Ísland er eina landið í Evrópu (og þótt víðar væri leitað) sem ekki skiptir yfir í vetrartíma.

Þetta er skemmtilega táknrænt fyrir þjóð sem virðist eiga í megnustu erfiðleikum með að klæða sig eftir veðri. 

Það er hins vegar allt annað mál að það er skemmtileg hugmynd að taka aftur upp mismunandi tímabelti á Íslandi. Fram á 20. öld var nefnilega ekki sami tími á Seyðisfirði, Akureyri og í Reykjavík. 

Athugasemdir

[Ólöf Ingibjörg Davíðsdóttir, 4.6.2008 kl. 14:19]

Ef samstaða er um það innan bæjarins að breyta klukkunni, er þá ekki einfaldara upp á samskipti við aðra í landinu að breyta frekar vinnutíma í bænum, opna fyrr og loka fyrr?

[Ár & síð, 4.6.2008 kl. 16:18]

Hver segir að þeir vilji eigi samskipti við aðra en útgerð Norrænu?

Fram til ársins 1907 (minnir mig) var stundarfjórðungsmunur á Reykjavík og Akureyri og annar stundarfjórðungsmunur á Akureyri og Seyðisfirði. Þá skipti það nú líklega minna máli en í dag. 

[Lára Hanna Einarsdóttir, 4.6.2008 kl. 17:50]

Mér þykir þú minnugur, Matti! Mig rámar ekki einu sinni í þennan tímamun! 

[Ár & síð, 4.6.2008 kl. 19:19]

Svona er að vera stálminnugur (á það sem maður hefur lesið)!

[Lára Hanna Einarsdóttir, 4.6.2008 kl. 19:42]

Fyrst þú ert ekki álminnugur er þetta í fínasta lagi... 

[Steingrímur Helgason, 8.6.2008 kl. 22:13]

Matti veit sem er að ég er alltaf kortérinu á eftir honum hvort eð er....