Auðfúsugestur?

Condi Rice skilur ekki athugasemdir Íslendinga við einangrunarbúðinar á Kúbu en lýsir yfir miklum áhyggjum af veiðum af nokkrum hrefnum. Er það svona fólk sem við viljum að sé ljós okkar í alþjóðlegum stjórnmálum? Nei, kynnum okkur frekar nýja bók fyrrverandi aðstoðarmanns Bush forseta um hjörðina umhverfis hann.

Condoleezza og Kiss í Svíþjóð

Athugasemdir

[Jens Guð, 31.5.2008 kl. 13:47]

  Það er margt sem hirð Brúsks,  hann sjálfur og E.T.  skilja ekki.  Einkum þegar kemur að mannréttindum og utanríkismálum.

  Þetta lið hamrar stöðugt á því að pyntingabúðirnar í Guantanamo hýsi einungis stórhættulega hryðjuverkamenn.  Þrátt fyrir þær lygar hefur 420 af 775 föngum í Guantanamo verið sleppt.  Þetta voru saklausir menn.  Engu að síður máttu þeir sæta pyntingum og öðru harðræði mánuðum og árum saman.  Allt var gert til að brjóta þá niður og reyna að fá þá til að játa á sig samskipti við meinta hryðjuverkamenn.

  Af þeim sem ennþá er haldið í þessum kolólöglegu pyntingabúðum utan laga og réttar hafa 80 verið hreinsaðir af öllum ásökunum án þess að vera sleppt.  Ástæður eru margar,  til að mynda þungt og flókið skrifstofubákn Bandaríkjanna.  

  Bandaríkjaher getur gripið án ástæðu næsta mann í Írak eða Afganistan,  flutt hann fangaflugi til leynifangelsa eða annarra ólöglegra fangelsa,  pyntað mánuðum og árum saman - án þess að þurfa að gera nokkrum grein fyrir því.  En þegar sleppa á fórnarlömbunum þá er málið snúið,  flókið og seinunnið.

  Þeir sem best þekkja til fullyrða að aldrei muni fleiri en í hæst lagi 60 - 80 af föngum í Guantanamo sæta ákæru.  Af þeim muni innan við 10 vera sakfelldir. 

[Ár & síð, 31.5.2008 kl. 15:53]

Það tók aldir að koma upp því réttarkerfi sem er vísir að réttlæti og ýmsar þjóðir búa við á Vesturlöndum. Kjarni þess er að maður er saklaus uns sekt sannast. Ef sannanir liggja fyrir á að dæma menn, annars verður að sleppa þeim.
Ef Bandaríkjamenn komast upp með það að halda mönnum inni árum og jafnvel áratugum saman vegna þess að þeir óttast að annars gætu þeir framið glæpi eru fleiri í hættu en meintir hryðjuverkamenn í Gvantanamó. Þetta ætti ET að geta skilið. Hve há er annars sú tala sem ET vísar til af föngum frá Gvantanamó sem sleppt var án dóms og verið handteknir aftur fyrir ,,sömu" glæpi? Er ekki vandinn í Gvantanamó einmitt sá að erfiðlega gengur að skilgreina meinta glæpi, þess vegna eru margir ekki dæmdir?
Ef menn með þennan áðurnefnda hugsunarhátt hefðu ráðið á Íslandi á sjöunda áratug hefðu þeir sennilega ekki látið sér duga að hlera síma meintra andstæðinga, þeir hefðu geymt þá í einangrunarbúðum til að komast hjá glæpum. Og þá hefði Arnar Jónsson aldrei leikið djöfulinn í Gullna hliðinu