Leyfið gestunum að tala!

Rás 2 fékk öðlinginn Braga Kristjónsson í heimsókn í morgun. Hann hefur frá mörgu að segja en alltaf þegar ræða hans dýpkaði og hann fjallaði t.d. um eirðarleysi nútímans, innihaldsleysi fjölmiðla og metnaðarleysi var gripið fram í fyrir honum... ,,Segir Bragi og fær sér í nefið" og svo framvegis.
    Má ekki ræða neitt sem skiptir máli i morgunútvarpi? Og hressstressið var svo mikið að fullyrt var að lokum að hann yrði í Silfri Egils í kvöld. Bragi reyndi að malda i móinn en þá var gripið fram í fyrir honum: ,,Þú verður þar víst!"

Bragi verður í Kiljunni i kvöld. 

Athugasemdir

[Greta Björg Úlfsdóttir, 17.10.2007 kl. 16:04]

Ég er sammála þér um þetta, að það er oft óþolandi hvað spyrjendur eru gjarnir á að grípa fram og í taka orðið af viðmælendum sínum. Oft hefur maður orðið pirraður og hugsað því maður hafi ekki mátt fá að hlusta á það til enda það sem hann hafði frá á segja...

Einstaka spyrlar hafa jafnvel verið svo slæmir að halda orðinu og mala sjálfir í það óendanlega, án þess að hleypa viðmælundunum að nema rétt til að leyfa þeim að skjóta inn orði eða taka undir þá speki sem hann (hún) hafði fram að færa. 

[Hallgrímur Óskarsson (IP-tala skráð) 19.10.2007 kl. 23:37]

Mikið er ég sammála þér.  Ég hlustaði líka á þetta viðtal og blöskraði.