Bush og bin

Langtímamarkmið al-Kaída (Byrgisins) þurfa ekki að koma neinum á óvart.
Þessi hryðjuverkasamtök líta á Bandaríkin sem höfuðóvin sinn og vilja vinna
þeim allt til miska. Í því ljósi er innrásin í Írak því fáránlegri og
tilgangslausari sem Saddam var sá stjórnandi í Austurlöndum nær sem líklega
var andsnúastur bin Laden og hryðjuverkasamtökum hans. Allur sá harmleikur
hefur í raun ekki gert neitt annað en að styrkja al-Kaída.

Það er svo annað mál að aftur virðist bin Laden stefna að því að hafa áhrif
á kosningar í Bandaríkjunum, efla ótta þjóðarinnar og fá hana til að kjósa
repúblikana. Málið er hins vegar hvort þjóðin lætur blekkjast einu sinni
enn.

Bush segir myndband bin Ladens sýna hver langtímamarkmið al-Qaeda séu

Athugasemdir

[Greta Björg Úlfsdóttir, 8.9.2007 kl. 10:23]

Hmmm, leynilegt samkoulag milli bin og Bush?

[Greta Björg Úlfsdóttir, 8.9.2007 kl. 10:24]

samkoMulag!

[Ár & síð, 8.9.2007 kl. 10:36]

Það held ég ekki, Greta. Þetta er ekki eins og 1980 þegar beðið var með að afhenda gíslana í Íran þar til demókratar höfðu tapað kosningunum. En ég held að sagan sýni að áhrifamenn í Austurlöndum nær vilji fremur repúblikana en demókrata við stjórnvölinn í Bandaríkjunum, af hvaða ástæðum sem það nú er. Og þetta er alls ekki mín einkakenning, öðru nær.

[Greta Björg Úlfsdóttir, 8.9.2007 kl. 11:49]

Geturðu bent mér á lesningu um þessa kenningu, Matti? Þetta virkar dálítið einkennilega að þeir vilji frekar harðlínumennina, gefa þeir kannski klárari mynd óvininum, Sámi frænda, til að berja á?