Jeppar og karlmennska

Ýmsir líta á jeppa sem tákn karlmennskunnar. Á norsku eru jeppar oft kallaðir «penisforlenger» og í Bandaríkjunum er t.d. sagt: «The Hummer is a major penis extention».
    Allar tilraunir til að þýða þetta hugtak yfir á íslensku hafa verið hálfmisheppnaðar en nú er óvænt komið fram á sjónarsviðið heiti á heimasíðu sem leysir þennan vanda. Heimasíðan heitir jeppar.is en með því að sleppa punktinum er komin frábær þýðing á hugtakinu «penis extention», jepparis.

 

Athugasemdir

[Glanni (IP-tala skráð) 16.3.2007 kl. 20:36]

jepparis er gott ris. Reyndar held ég að staðreyndin sé sú að þeir sem ekki eiga jeppa og hafa ekki reynslu af slíkum tækjum   haldi   að jeppamenn telji sig vera  tákn karlmennskunar. Það er ekki mín reynsla í hjá mér og mínum félögum. þetta er fyrst og fremst skemmtilegt áhugamál og skemmtilegur félagsskapur. Í mínum huga er jeppi ekki jeppi fyrr en að búið er að breyta honum það mikið að hægt sé að vera á ferðinni á hálendi og jöklum landsins að vetrarlagi marga daga í einu, allir hinir "jepparnir" eru bara fjórhjóladrifnir fólksbílar og heldur ekki nothæfir í annað en að aka með fólk á malbiki og einstaka sveitavegi. Góðar stundir.

[Ár & síð, 18.3.2007 kl. 12:22]

Ég er sá eini á mínum vinnustað sem ekki er á jeppa svo ég skil vel við hvað þú átt. Ég var fyrst og framst að fjalla um þýðingu á hugtakinu.

Það er svo allt annað mál í að í því borgarumhverfi sem þetta hugtak er upp runnið takast jeppar helst á við þær torfærur sem kallast gangstéttar og umferðareyjar. Víðast hvar er allur utanvegaakstur bannaður og því kemur það fólki líklega spánskt fyrir sjónir að sjá torfærutæki í þrengslum miðborganna. 

[Kristín Björg Þorsteinsdóttir, 23.3.2007 kl. 15:49]

Þetta er frábær þýðing! Það er dálítið skrýtið að jeppaeigendur telja sig mega leggja upp á eyjum og gangstéttum af því þeir geta það. Svo eru líka vandræði á bílastæðum þegar breiðir bílar eru komnir í öll stæði